- Bitcoin Kurdi
- Jul 27, 2022
- 1 min read
Updated: Aug 5, 2022
ئەمڕۆ چوارشەممە بانکی فیدراڵی ڕایگەیاند کە ڕێژەی سوودی سەرەکی خۆی بە ڕێژەی ٠.٧٥% بەرز دەکاتەوە، لەکاتێکدا هەوڵدەدات کۆنتڕۆڵی هەڵاوسانی بەرز بکاتەوە.
بەم کارە، بانکی فیدراڵی هیواخوازە خواستی گشتی لە ئابووریدا کەم بکاتەوە، ئەمەش دەبێتە هۆی وەستانی بەرزبوونەوەی نرخەکان.
بانکی فیدراڵی لە بەیاننامەکەیدا ئەمڕۆ چوارشەممە رایگەیاندووە ، "پێشاندەرەکانی ئەم دواییەی خەرجکردن و بەرهەمهێنان دەستیان بە دابەزین کردووە" .
ئاماژەی بەوەشکردووە، "سەرەڕای ئەوەش رەوتی گەشەی دامەزراندن لە چەند مانگی رابردوودا بەهێز بووە و رێژەی بێکاریش بە نزمیی ماوەتەوە". هەڵاوسان بە بەرزی ماوەتەوە، ئەمەش ڕەنگدانەوەی ناهاوسەنگیی دابینکردن و خواست بەهۆی پەتای کۆرۆنا و بەرزبوونەوەی نرخی خۆراک و وزە و بەردەوامی فشارەکانی نرخەکانە.
هەروەها بانکی ناوەندی ئەمریکا شەڕی ڕووسیای دژی ئۆکرانیای بە سەرچاوەیەکی سەرەکی هەڵاوسان زانیوە.
چەند مانگێکە نرخی بەکاربەران لە بەرزترین ئاستی ٤٠ ساڵەدا بووە، ئەمەش وایکردووە بانکی ناوەندی ئەمریکا ڕێژەی سوودی سەرەکی بەرز بکاتەوە. بانکی ناوەندی ئەم وڵاتە بۆ چوارەم جار لەمساڵدا ڕێژەی سوودی بەرزکردەوە.
