پێشەکی

شیکاری تەکنیکیی پێویستییەکی بنەڕەتییە بۆ تێگەیشتنی بەكارهێنەر و وەبەرهێنەر لە بازاڕە داراییەکان و دراوە دیجیتاڵییەکان. ئەوانەی کە سەرەتان پێویستە ئەوە بزانن کە شیکاری تەکنیکی لەگەڵ شیکاری بنەڕەتی و پەرەپێدانی کارامەیی زیهنی سێ کلیلی سەرکەوتنن لە بازاڕە داراییەکاندا. ئەم کتێبە تەرخانکراوە بۆ کلیلی یەکەم کە شیکاریی تەکنییکییە. ئەوەی لەبەردەستتدایە بەرهەمی چەندین مانگ خوێندنەوە و بەدواداچوونە. هەوڵمداوە بە وردی و سادەیی چەمکەکان، بناغەکان، ئاماژە و پێوەر و ئاڕاستەکان و هەموو ئەو هێما و ئاماژانە ڕوون بکەمەوە کە مامەڵەکار پێویستییەتی بۆ ئەنجامدانی شیکاری دراوە دیجیتاڵییەکان .

​

چەند خاڵێك گرنگە کە لە سەرەتادا ڕوونی بکەمەوە:

یەکەم: شیکاری تەکنیکی گرنگە، بەاڵم تەنها پێوەر نییە بۆ تێگەیشتن لەجوڵەی نرخی سەرمایەکان لەبازاڕدا. بەبێ شیکاری تەکنیکی مامەلەکردن وەکو قومارکردنی لێدێت، بەاڵم ناکرێت تەنها پشت بە شیکاری تەکنیکی ببەسترێت، بەڵکو پێویستە شیکاری بنەڕەتی و هۆکار و بزوێنەرە سیاسی و ئابوورییەکانی دیکە بەهەند وەربگیرێن بۆ تێگەیشتنی ورد و دروست لە بەرز و نزمی نرخی سەرمایەکان لە بازاڕدا.

دووەم: شیکاری تەکنیکی لێرەدا بۆ دراوە دیجیتاڵییەکان باسکراوە، بەاڵم بێگومان بنەما و چوارچێوەکە بۆ بوارەکانی دیکەی بازاڕە داراییەکان دەبێت وەکو پشکەکان و ئاڵتون و قەواڵەکان و ..هتد.

سێیەم: بوون بە مامەڵەکار و وەبەرهێنەری سەرکەوتوو شارەزا بە تەنها بە خوێندنەوەی ئەم کتێبە و چەند کتێبێک نابێت، بەڵکو خۆپێگەیاندنی بەردەوام و ئەزموونی پراکتیکی و ڕاهێنانی دەوێت. وارن بافێت لە یەکێک لە قسە جوانەکانی دا دەڵێت )باشترین وەبەرهێنان کە کەسێک بیکات ئەو وەبەرهێنانەیە کە لە خودی خۆیدا دەیکات (. بۆیە گرنگە ئەم کتێبە کۆتا وەبەرهێنان نەبێت لە خۆتدا، بەڵکو سەرەتایەک بێت بۆ کاروانێکی درێژتر لە خۆپێگەیاندن و فێربوون دەربارەی دراوە دیجیتاڵییەکان.

چوارەم: بواری دراوە دیجیتاڵییەکان بەردەوام لە فراوانبووندایە، شیکاری تەکنیکیش کلیلە بۆ تێگەیشتن لەو بوارە، بەاڵم پێویستە بە کردەیی بێت، نەوەک تەنها خوێندنەوە. مرۆڤ مەلەکردن و پاسکیلسواری بە خوێندنەوە فێر نابێت، بەڵکو بە پراکتیک فێر دەبێت و پێویستی بە چوونە ناو ئاو و بەکارهێنانی پاسکیل هەیە. لێرەوە بیرتان دەهێنینەوە کە شیکاری تەکنیکیش بەهەمان شێوە پێویستی بەوەیە کە خۆت بە کردەیی ئەنجامی بدەیت و بچیتە بازاڕەوە و شیکاری لەسەر هێڵکاری ئەنجام بدەیت.

کۆتا خاڵم لێرەدا بریتییە لە ئاگادارکردنەوەتان لە مەبەستی هاتنەناو دراوە دیجیتاڵییەکان و بازاڕە داراییەکان. مرۆڤ ناکرێت بەبێ مەبەست و ئامانج هەنگاو بنێت. ئەگەر مەبەستی تۆ فێربوونی شیکارییە بۆ بوون بە مامەڵەکاری سەرکەوتوو لە بازاڕدا، ئەوە 12 مەبەستێکی جوان و دروستە، بەڵام مەبەستی سەرەکی هەموومان بریتییە لە دابینکردنی سەرچاوەی بژێوی و سەربەخۆبوونی ئابووری خۆمان. ناکرێت ئەوەش لەسەر حیسابی ژیان و تەندروستی خۆمان بێت. بۆیە لە بازاڕەداراییەکاندا هەمیشە ئەو پرسیارەت بیر نەچێت کە تۆ بۆ ژیانسازی لێرەیت نەک تێکدانی ژیانی خۆت. نابێت مرۆڤ ئالوودەی مامەڵەکردن و وەبەرهێنان بێت و ژیان و تەندروستی خۆی بیر بچێ تەووە. بەو هیوایەی خزمەتێکمان کردبێتت لەم بوارەدا و ئەم کتێبە جێگای خۆی بگرێت بۆ شارەزابوون و سەرکەوتنتان لە بواری بازاڕە داراییەکان و دراوە دیجیتاڵییەکاندا.